LAOAG CITY – Para iti dua a lider ti Kamara saanen a kasapulan nga agpaawag ti special session ni Presidente Ferdinand Bongbong Marcos Jr. wenno ti pammilin manipud iti Korte Suprema tapno marugian ti Senado ti impeachment trial ni Vice President Sara Duterte.
Inbatad ni House Assistant Majority Leader ken Tingog Party-list Rep. Jude Acidre, nalawag met a deriktiba a nakailanad iti Konstitusion a nasken nga insigida nga agtignay ti Senado ti impeachment case nga inpatulod ti Kamara.
Inpetteng ni House Assistant Majority Leader ken Ako Bicol Party-list Rep. Jil Bongalon, saan a nailanad iti interpretasion ti probision ti Konstitusion a mangibagbaga a ksapulan a marugian nga awan ti pannakaitantanna ti impeachment trial.
Inlawlawag ni Bongalon, mabalin nga ag-convene ti Senado kas impeachment court iti baet a naka-recess ti Kongreso no umannugot dagiti miembro daytoy.
