LAOAG CITY – Inlungalong ti gobierno ti panagusar ti speed limiter para kadagiti dadakkel a lugan kas kadagiti bus ken truck.
Daytoy ti inrakurak ti Department of Transportation (DOTr) kalpasan a tinalantan ti Senado ti napateg a responsibilidad ti ahensia a siguradoen ti kinatalged dagiti lugan iti kalsada.
Inbatad ni Department of Transportation Undersecretary Jesus Ferdinand ‘Andy’ Ortega nga ipatungpalda dagiti addang para iti roadworthiness dagiti lugan.
Iti babaen ti panangidaulo ti Land Transportation Office (LTO) ken Land Transportation Franchising and Regulatory Board (LTFRB).
Kabayatanna, dagiti speed limiter ti mangikabil iti limitasion iti kapaspas dagiti lugan a nasken a saan a lumabes ti 80 a kilometro iti tunggal oras.
