Naaddaan ti instant reunion ti Spice Girls iti maika-50 a kasangay ti maysa kadagiti miembroda a ni Victoria Beckham.
Iti video nga inbinglay ti lakay ni Beckham ket makita ti football star a ni David Beckham ken dagiti kameng ti Spice Girls a da Melanie Brown, Melanie Chisolm ken Emma Bunton nga agkankanta.
Makita iti video nga inkantada ti nalatak a kantada idi 1997 a napauloan ti “Stop”.
Nupay kasta, ti naudi a panagtitipon ti nasao a grupo ket bayat ti opening ceremony ti London Olympics idi 2012.
Kabayatanna, naglatak ti grupo idi 1996 babaen ti pannakairuar ti umuna nga albumda a “Spice” sakbay a nawarawara ti grupo idi 2000 ken nagtultuloyda kadagiti tunggal solo career-da.
