LAOAG CITY – Manamnama a makisarita ni Sang. Panlungsod Bryan Alcid iti Department of Public Works and Highways – First Engineering District tapno iberipikar no nalpasen ti baro a plano iti bike lane iti bypass road ditoy ciudad ti Laoag.
Segun ken ni Alcid, adda ti nakalap na nga impormasyon a nakadanon kenkuana a nalpasen ti plano ngem kalikagomna a personal a maamuan daytoy.
Kinuna a no nalpasen ket masapol nga ipresentar da manen daytoy iti biang ti Sangguniang Panlungsod tapno maamuan no napintas daytoy a maaprobaran ken maituloy ti kontruksyon.
Immuna iti daytoy ket inrakurak ni Department of Public Works and Highways Assisstant Engineer Angelito Dian a sinurotda dagiti kalikagomda a maikkat dagiti plant box bayat a mannarimaan ti pannaka-ipinal ti plano seknan iti daytoy.
Maipalagip a naipasardeng ti konstruksyon ti bike lane iti bypass road gapu ta mabalin a rason dagiti plant box ti disgrasya ken umilet ti nadakamat a kalsada.
