LAOAG CITY – Nagpaputok ti paltog ti maysa a mannalon iti Brgy. Sta. Matilde ti ili ti Pasuquin.
Segun ken ni P/Maj. Sheryll Guzman, ti Hepe ti Philippine National Police iti nasao nga ili, ti lalaki ket agtawen 49, naasawaan, mannalon, ken residente ti nasao met laeng a barangay.
Inbatadna a basar iti insayangkatda nga imbestigasion, adda ti maysa a concerned citizen a nangipadanon kadakuada ti nag-report mainaig iti panagpaputok.
Kunana nga idi agturongda iti nasao a barangay ket nakanggegda ti panagpukkaw iti lokasion no sadinno a ditoy a nakitada ti suspek a nakaiggem ti paltog.
Idi nakita ti suspek dagiti pulis ket inpurwak na ti paltog ken ditoy a narekobre ti caliber 38 a paltog ken maysa a cartridge case ken naamoan a nabartek ti suspek kabayatan ti panagpaputokna.
Basar ken ni Guzman, naamoan nga adda ti saan nga panagkinnaawatan ti suspek ken ti kainummanna a ditoy ti nangutunda ti panagpaputokna ti paltog.
Innayon ni Guzman nga awan ti lisensia ti narekobre a paltog ket ditoy a nakumpiskar daytoy nga agserbi kas ebidensia a naimatangan iti babaen ti maysa a barangay kagawad.
Iti agdama, maipadalan ti suspek iti medical examination ken mannarimaan ti pannakaisagana dagiti dokumento iti Office of the Provincial Prosecutor para iti maiyannatop a kaso.
