LAOAG CITY – Inbatad ni Mr. Jeff Mart Cadang, Store Officer Puregold ditoy ciudad ti Laoag a ti kangrunaan a naganar a produkto da a para pang-noche buena ket ti ham.
Inlawlawag a paspasig a Chicken ham ti produkto da ken awan pulos ti ilako da a pork ham gapu iti African Swine Fever (ASF) virus.
Segun kenkuana, ti presyo dagiti produkto da a pang-noche buena ket isu ti inparuk-at a Suggested Retail Price (SRP) manipud iti Department of Trade and Industry (DTI).
Inpakaammo na nga adda metten dagiti kameng ti DTI a napan naginspeksyon kadagiti produkto da tapno masigurado a sursuruten da ti SRP dagitoy.
Mainaig iti daytoy, inbatad ni Cadang nga agpatingga laeng ti operasyon da intono alas-siete ti rabii ken nakalukat ti nasao nga establisimiento intono bigat a kaaldawan ti paskua.
