LAOAG CITY – Ginutigot ti Social Security System (SSS) dagiti mangmangged nga ugalien a kitaen ti rekord kangrunaan na ti binolan a kontribusyon da.
Segun ken ni Mr. Richard M. Raralio, ti Branch Head iti Social Security System ditoy ciudad ti Laoag, saan a kasapulan a personal nga agturong dagiti mangmangged iti opisina da tapno regular a makita ti rekod da.
Kuna na nga agrehistro laeng online iti account ti Social Security System dagiti mangmangged tapno isu ti pangmonitoran da no agbaybayad metlaeng ti employer da ti kontribusyon da iti kada bolan.
Inpasingked ni Raralio a no makita a saan nga ar-aramiden ti employer ti pagrebbengan na iti empleado na ket agreport laeng iti opisina da tapno matulungan da ti maseknan.
