LAOAG CITY – Inbatad ni Mr. Richard Raralio Branch Head II iti Social Security System ditoy Laoag a saan a mabutbuteng a mangipadanon iti opisinada iti arungaing dagiti employees mainaig kadagiti benipisio kas maysa nga empleado.
Segu kenkuana, saanda nga idanon kadagiti employers dagiti reklamo maawat iti mismo opisinada.
Inlawlawagna a maymayat no maipadanon kadakuada dagiti problema kadagiti employers tapno insigida a masulosionan.
Kabayatanna, ginutigot ni Raralio dagiti empleado kadagiti nagduduma nga establishimento a ipadanon dagiti arungaingda no saan nga umiso dagiti maipaay a contributions ken dadduma pay kadakuada.
