LAOAG CITY – Maiyur-uray ti desisyon ti Verkhovna rada nga opisina dagiti nasurok nga 400 a deputy para iti possible a pannakaipatungpal ti state pf emergency idiay Ukraine.
Daytoy ti report ni Bombo International News Correspondent Jeni Lopez iti Kyiv, Ukraine.
Inbatad na a desisyunan daytoy ti nasao nga opisina it uneg ti 48 nga oras ken no aprubaran da ket ideklarar ton ni Ukrainian President Vladimir Putin ti state of emergency.
Segun ken ni Lopez, apaman a maideklarar ti state of emergency iti Ukraine ket addan to ti maipatungpal a checkpoints iti amin a paset ti pagilyan nga agpaot iti saan a nababbaba ngem 60 nga aldaw.
Iti agdama, inpakaammo ni Lopez a normal paylaeng ti sitwasyon idiay Ukraine ngem dagiti nababaknang a pamilya ket nangrugin dan a nagbakwit ken napan iti sabali a pagilyan tapno saan da a maipit no bilang kumaro ti tensyon iti nagbaetan ti Ukraine ken Russia.
Innayon na nga inpasigurado kenkuana ti amo na a no kumaro ti sitwasyon ket kapilitan nga agturong da idiay Spain ken inkari da nga itugot da daytoy.
Kuna na pay nga uray dagiti dadduma a papagayam na ket nagkari kadakuada dagiti amo da a saan da a baybay-an dagitoy.
Kabayatanna, inbatad ni Lopez a dagiti lokal a residente ket awan pulos ti panagdanag ken pannakaalarma da iti mapaspasamak gapu ta agtalek da a kabaelan ti gobierno ti Ukraine a salakniban ti pagilyan da manipod iti possible nga iraraot ti Russia.
