LAOAG CITY – Awanen ti nabatbati pay a bakuna iti oral cholera iti world stockpile.
Inrakurak ti World Health Organization ti panagkurang ket mabalin a mangitunda ti panagsardeng ti trabaho no bilang nga agwaras ti sakit.
Ti panangaramid ti bakuna ket agtartaray iti sibubukel a kapasidad ngem ti demand ket lumablabes iti suplay kas maibasar iti monthly situation report ti United Nations health agency.
Inbatad ti World Health Organization nga iti nagbaetan ti Setiembre 1 ken Oktubre 14, ti International Coordinating Group on vaccine provision ket nakaawat ti panagkiddaw para iti oral cholera vaccine manipud iti Bangladesh, Sudan, Niger, Ethiopia ken Myanmar.
Ti kiddaw ket dimmanon iti pakabuklan nga 8.4 a milyon doses ngem gapu iti limitado a kabaelan a mausar, 7.6 a milyon a doses laeng ti mabalin a maipatulod.
Inlawlawag ti World Health Organization nga addaan ti 439,724 a kaso ti cholera ken 3,432 a pannakatay ti naipadamag ita a tawen agingga idi Setiembre 29.
Idi Setiembre, 47,234 ti baro a kaso ti cholera ti naipadamag manipud kadagiti 14 a pagilian.
