LAOAG CITY – Kinumpirmaran ni Senior Fire officer 3 Marlou Colobong iti BFP-Vintar a possible a ti uring a nagtunoan iti nangrugyan ti apoy a nangitunda ti pannakauram ti ‘storage’ ti imahen ti simbaan ti Iglesia Filipina Independiente iti Brgy. 2 iti nasao nga ili.
Segun kenkuana,maipagarop nga adda iti nagtuno iti likudan ti simbaan ket isu ti nangrugyan ti apoy a nagkamang kadagiti garami ken bulbulong iti mismo a garahe a pagyanan dagiti imahen.
Kuna ni Colobong a naideklarar a fire-out ti uram kalpasan iti 15 a minutos.
Kabayatana, inbatad ni Rev. Fr. Efren Perigrino iti Iglesia Filipina Indepediente nga agarop ti P10K ti balor dagiti nadadael iti nasao nga uram.
