LAOAG CITY – Nagballigi dagiti otoridad a nangtiliw ti maibilang kas Street Level Individual babaen iti naisayangkat nga anti-illegal drug buy-bust operation iti Barangay 21, Bonifacio St. ditoy ciudad ti Laoag.
Nabigbig ti subject ti operasyon a ni Willie Rabang Villanueva alyas Willy Baboy/Kalbo, addaan iti umno a tawen ken residente iti nadakamat a barangay.
Nakumpiskar dagiti otoridad manipod iti ikot ti suspek ti tallo a sachet a naglaon ti maipagarop a shabu, innem a pedaso ti empty plastic sachet, 2 a pedaso ti genuine 500 peso bill a nausar kas buy-bust money, karaman ti cellphone na.
Iti agdama, ni Villanueva ket nagtalinaed iti Philippine National Police ditoy ciudad ti Laoag.
