LAOAG CITY – Nasentensyaan a mabalud ti maysa agingga ti dua a tawen ni Mr. Arly Bigayen, residente iti Barangay Buyon iti ili ti Bacarra.
Daytoy ket gapu iti kaso na a panaglabsing iti Republic Act 9165 wenno Comprehensive Dangerous Drugs Act of 2002.
Ti desisyon ket naiparuk-at babaen ken ni Judge Francisco Quilala iti Regional Trial Court Branch 14 ditoy ciudad ti Laoag.
Maipalagip a natiliw ni Bigayen iti naiyuswat nga anti-illegal drug buy-bust operation iti Barangay 20 ditoy ciudad ti Laoag idi Hulyo 22 ita a tawen.
Nakumpiskar iti ikot ni Bigayen ti maysa a gramo a shabu ken ti kwarta a nausar iti operasyon.
