LAOAG CITY – Balligi ti naiyuswat a drug buy bust operation dagiti kameng ti PNP-Laoag iti Barangay 11, Sta. Balbina a nakatiliwan ti maysa nga indibidual.
Nabigbig ti subject ti operasyon a ni Francis Joseph Agodon y Ruiz, agtawen ti 31, naasawaan ken residente iti Barangay 2 ditoy ciudad ti Laoag.
Nakumpiskar iti operasyon ti maysa a sachet ti maipagarop a shabu a nausar iti transaksyon, sabali pay a maysa a sachet a naglaon met laeng ti maatap a droga ken 5,310.
Naiget a naglikudan a kukua na dagiti maipagarop a droga ken inakusaran na a naimula daytoy.
Inbatad na nga adda ti nangsabat kenkuana a dua a lalaki ken inpan da isuna iti motorsiklo ken maipagarop nga insawang dagitoy a saan nga agkutkuti ni Agodon no saan na a kayat ti matay.
Segun kenkuana, bayat a posposasan dagiti pulis isuna ket maipagarop a pinandagan da daytoy ken ti maysa kadagiti ket nakita na maipagarop nga adda ti iggem na a plastic nga isu ti naipabulsa.
Inlawlawag na a ti dua a ribo ket aggapo iti cake shop a banbantayan na ken ti sabali pay a dua a ribo ket inbayad ti customer da ken ti nasurok sangaribo ket igatang na kuma ti manga.
Kuna ni Agodon a posible nga adda ti nakagura kenkuana nga isu ti rason ti pannakaiyuswatan ti operasyon.
Kabayatanna, naamoan a ni Agodon ket adda iti listaan ti Top 10 iti Provincial level.
