LAOAG CITY – Nagpositibo iti drug test ti maysa nga indibidual a naarestar babaen ti drug buy bust operation nga inwayat dagiti kameng ti Police Provincial Drug Enforcement Unit, Provincial Intelligence Unit, ken Philippine National Police Currimao iti Brgy. Victoria iti ili ti Currimao.
Nabigbig ti suspek a ni Mr. William Valente y Pahinag, agtawen ti 39, addaan ti live-in partner, roomboy ken residente iti Brgy. 12 Comcomloong, iti nadakamat nga ili.
Ti suspek ket naarestar babaen ti drug buy bust operation no sadinno nga inlako na ti maysa a heat-sealed transparent plastic sachet a naglaon ti maipagarop a shabu iti nagpammarang a polis puseur buyer.
Nakumpiskar ken Pahinag ti lima a gramo ti shabu nga agbalor iti 34,000 a pisos, maysa a 1000 peso bill a nausar kas buy-bust money, 44 a pedaso ti peke a sangaribo a pisos, dua a mobile phone, identification cards ken maysa a puraw a masking tape.
Iti agdama ket adda ti suspek iti kustodiar ti Philippine National Police iti ili ti Currimao ken mannarimaan ti pannakaipila ti kaso a panaglabsing iti Republic Act 9165 wenno Comprehensive Dangerous Drug Act of 2002.
