LAOAG CITY – Inpannakkel ti Ukrainian military nga isuda ti adda iti likudan ti pannakaarinebneb ti submarine ti Russia iti pantalan ti Crimea.
Basar iti Armed Forces ti Ukraine a tinamaanda ti Rostov-on-Don a submarine ti Russia iti pantalan ti Sevastopol.
Rumrummuar a dagus daytoy a limned a maibilang a maysa a dakkel nga accomplishment ti Ukraine.
Maipalagip nga idi pay 2014 ket sinakupen ti Russia ti Crimea ken inaramidda a paset daytoyen ti Russia.
Naammoan a ti submarine ket adda ti kaatiddugna a 73.8-meter ken kabaelanna a mangilugan ti 52 a tattao.
