LAOAG CITY – Inaprubaran ti Senate impeachment court ita nga aldaw ti Huebes, Oktubre 1, ti kiddaw ti House prosecution panel a mangiruar ti subpoena kadagiti sumagmamano a mangibagbagi ti bangko ken insurance companies, pakairamanan ti Bureau of Internal Revenue (BIR) para iti impeachment trial ni Vice President Sara Duterte.
Daytoy ket kalpasan nga inbatad ni lead prosecutor ken Batangas Rep. Gerville Luistro nga saanen nga ipresentar ni dati a Senador Antonio Trillanes IV kas testigo iti impeachment trial.
Malaksid iti daytoy, inbatadda nga ipresentar iti impeachment court ni Anti–Money Laundering Council (AMLC) Executive Director Atty. Ronel Buenaventura inton Biernes.
Kunada pay nga ipresentarda ti Bureau of Internal Revenue inton Oktubre 5 ken ipresentarda dagiti mangibagbagi ti banko ken insurance companies inton Oktubre 6.
Kabayatanna, inaprubaran pay ti Senate impeachment court presiding officer ken Senator-Judge Francis Escudero ti kiddaw ti prosecution para iti panangusig inton Oktubre 5 ken 6.
