LAOAG CITY – Ti asinoman ti nakausaren ti suka kas cleaning solution ket sigurado nga ibagana nga epektibo daytoy.
Naammoan nga uray naangot ti suka ket maysa daytoy a maibilang nga all-natural disinfectant.
Addaan daytoy ti acetic acid a mangipapay ti antimicrobial properties tapno agbalin nga epektibo a mold killer.
Adu ti benepisio ti suka ken ideal daytoy para iti panagdalus dagiti sarming ken stainless steel a saan a maaddaan ti gasgas.
Kabaelanna pay nga ikkaten dagiti mantsa iti banyo ken lababo.
Epektibo ti suka kas panangugas kadagiti prutas ken nateng ken pangbanlaw iti malabaan a tiponan ti napudot a danum.
Adda dagiti rugit iti pagtaengan a masapul ti pure vinegar ti usaren tapno naan-anay a maikkat.
Mainaig iti daytoy, kas disinfectant, ilaok ti maysa a tablespoon ti suka iti maysa a cup wenno 29 milliliters ti danum.
Ikabil daytoy iti spray bottle ken usaren para iti panagdalus.
