LAOAG CITY – Inbatad ni Vice Mayor Jonathan de Lara iti ili ti Solsona nga adda dagiti barangay iti nasao a municipalidad nga awanan iti Sangguniang Kabataan Chairman ken agkurkurang dagiti Sangguniang Kabataan Kagawad.
Patien ti bise mayor a daytoy ket gapu ta marigatan da kadagiti obligasyon da kas Sangguniang Kabataan.
Kunana a daytoy ti maysa a trinatar da iti maikadua a maudi a session gapu ta naobserbaran da nga agpapan kadagitoy ket awan pay sukat dagiti nagresign iti puwesto.
Malaksid kadagiti bimmaba iti posisyon, adda pay dagiti Sangguniang Kabataan a saan pay naka-open ti account da iti bangko.
Inpakaammo na a nai-refer daytoy iti sibubukel a komite tapno masolusyunan ti nasao nga isyu.
