LAOAG CITY – Addan dagiti sumagmamano a barangay iti ili ti Solsona ti nagbakwit kadagiti evacuation center gapu iti pangta ti Bagyo Nika ditoy probinsia.
Manarimaan ti naiget a panangmonitor ti Municipal Disaster Risk Reduction and Management Office iti ili ti Solsona kadagiti amin a barangay nangruna iti Brgy. Lipay ken Brgy. Nalasin no sadinno nga iti napalabas a bagyo ket na-isolate dagitoy.
Naammoan a manarimaan ti pannakaiwayat ti road clearing operations tapno maliklikan dagiti posible a dadakkel a kayo nga agtupak kadagiti kalsada wenno kabalbalayan.
Nagutigot dagiti amin a Kapitan ken dadduma pay nga opisial a dagus nga i-report iti Municipal Disaster Risk Reduction and Management Office no adda dagiti pasamak iti bukudda a lugar.
Kabayatanna, nakasagana dagiti heavy equipment kas ti backhoe, pay loader ken dadduma pay.
