LAOAG CITY – Nagbalin a modelo ti sumagmamano a benepisiario ti 4Ps ditoy siudad ti Laoag kadagiti inaramidda nga indigenous materials.
Segun ken ni Mrs. Mylene Pascual, mangidadaulo ti City Environment and Natural Resources Office, daytoy ket kas paset ti Alisto 2026 Eco couture fashion show no sadinno ditoy a naipabuya iti publiko dagiti recycled fabric ken indigenous materials.
Inbatadna a ditoy pay a nai-showcase ti Mrs. Eco couture 2026 ken Miss Teen Eco couture 2026.
Inlawlawagna a dagiti inusar dagiti nasao a modelo ket dagiti nausar a badbado, arena ken dadduma pay.
Kunana a babaen iti daytoy a programa ket ad-adda a maitandudo ti solid waste management ditoy siudad ti Laoag.
Innayonna a dagiti mangabak ket makaawat ti 3,000 pesos, 2,000 pesos, 1,000 pesos, trophy, sash ken certificate.
