LAOAG CITY – Inpakaammo ni Mrs. Marilyn Vergara, mangidadaulo ti Philippine Statistics Authority ditoy probinsia a posible a napukaw ti sumagmamano a datos ti Philippine Statistics Authority seknan iti National ID.
Inlawlawagna a daytoy ti rason no apay adda dagiti sumagmamano pay nga indibidual ti saan pay a nakaawat ti National ID iti baet a nalpas dagitoyen a nakarehistro.
Gapu iti daytoy, ginutigotna dagiti umili a no bilang nabayagen a saanda pay a naala ti National ID dagitoy ket mabalin a maminsan manen dagitoy nga agparehistro.
Kunana a dagiti nakaawat ti papel a Philsys ID ket mabalin nga isu latta ti usarenda ngem iyurayda ti plastic ID card.
Innayonna a dagiti nasao nga ID ket aggapu iti Philippine Statistics Authority ngem ti dati ket aggapu iti Central Bank.
