LAOAG CITY – Ibilang ni House Committee on Public Accounts Chairman Rep. Terry Ridon a maysa a karit para iti gobierno ti panangikagumaan kadagiti addang tapno maipasubli dagiti kuarta nga innala ti sumagmamano a dati nga opisial manipud kadagiti flood control projects.
Inpetteng ni Ridon, saan nga ipalubos a maala manen dagiti karaman iti maanomalya dagiti kuarta a na-freeze kalpasan a nakwestionaran daytoy iti panagdengngeg.
Para iti agpanpanday linteg, nasaysayaat nga agbalin nga agresibo ti tignay tapno masigurado a maisubli iti gobierno dagiti pundo a nailatang para kadagiti pampubliko a proyekto.
Kunana a nasken a tutukan ti Ombudsman, Anti-Money Laundering Council ken dadduma pay nga ahensia tapno masigurado a mapagsungbat dagiti karaman iti maanomalya idinto a ti pundo ti gobierno ket maibusbos kadagiti programa ti gobierno.
