LAOAG CITY – Adda dagiti sumagmamano nga indibidual a dagitoy ket agpapada a nakipartisipar iti Tan-Ok ni Ilocano Festival of Festivals 2025 a tinaming ti Philippine Red Cross – Ilocos Norte Chapter.
Segun ken ni Dr. Mary Rose Tolentino iti Philippine Red Cross – Ilocos Norte Chapter, adda ti agarop 20 agingga iti 30 nga indibidual a tinaming da gapu iti pannakaulaw ken marigatan nga umanges.
Inlawlawag na a mabalin a gapu iti pannakabannog dagiti maseknan iti panagperform da ket isu ti rason a narigatan dagitoy nga umanges idinto a dagiti dadduma ket nagulaw da.
Malaksid iti Philippine Red Cross – Ilocos Norte Chapter, ket adda pay ti tinaming dagiti dadduma a Rural Health Unit manipod iti nagduduma nga ili ken ciudad ditoy probinsya a kadwa da a nagbantay ken nangipaay ti tulong medical iti pannakaiwayat ti Tan-ok ni Ilocano Festival of Festivals 2025.
