LAOAG CITY – Inarestar ti kapulisan idiay Milan, Italy ti saan a bumaba iti 10 nga indibidual a nangiwayat ti tignay protesta.
Nagbinnara dagiti otoridad ken dagiti nangiwayat ti tignay protesta kabayatan a maisaysayangkat ti Winter Olympic Games.
Saan a kumanunong dagiti protesters kadagiti ay-ayam pakairamanan ti panagngato ti presio dagiti magatgatang idiay Italy.
Iti napalabas a lawas, pinaigetan ti gobierno ti linteg kontra kadagiti mangiwaywayat ti tignay protesta no sadinno nga iti Turin ket adda ti 100 a kapulisan ti nasugatan.
Inawagan ni Prime Minister Giorgia Meloni a dagiti mangiwaywayat ti tignay protesta kas kalaban ti Italy.
Gapu iti tignay protesta ket naitantan dagiti train station services iti lugar.
