LAOAG CITY – Nauram iti sumagmamano a paset iti dati a sanitary landfill iti Brgy. Lagui Sail ditoy ciudad ti Loaag.
Segun kenni Fire senior inspector Edison Reyes, Acting City Fire Marshall ti Bureau of Fire Protection ditoy ciudad, maysa concerned citizen ti nangipakaammo kadakuada a maur-uram ti dati a sanitary landfill.
Inbatad na a dagus a nagresponde dagiti bumbero ken nadaon da a nagkayamkamen ti apoy iti dati a sanitary landfill.
Kuna na nga umabot iti 1000 square meters ti kalawa ti paset ti nauram no sadinno a kaadoan kadagitoy ket dagiti basura a plastik, goma, nagango a root isut gapuna nga alisto ti panagkayamkam ti apoy.
Inpakaammo ni Reyes a timmulong pay ti City Disaster Risk Reduction and Management Office ken ti Farinas Fire brigade isut gapuna nga alisto da a nasebseban ti apoy.
Kabayatanna, nagpalagip ni Reyes a liklikan iti agpuor aglalo ita a nabara ti panawen gapu ta alisto nga agramram ti apoy.
