LAOAG CITY – Umabot ti 15 a tattao ti apektado a pakairamanan dagiti sumagmamano a pamilya dagiti Pilipino gapo iti napasamak nga uram iti paset ti Waipahu, Honolulu.
Iti report ni Bombo International Correspondent Manny Pascua idiay Hawaii, ti uram ket napasamak iti parbangon idi kalman.
Dagus a nagresponde dagiti bombero ti uram idiay Waipahu, ti maibilang nga “Ilokano Capital” iti isla ti Hawaii.
Gapo iti daytoy, dua a saan pay a nainaganan a baket ken lakay ti naitaray iti ospital.
Inbatad ni Pascua a maysa a pamilya manipud kadagiti agnanaed iti nasao a lugar ket kasangsangpet da laeng idiay Hawaii manipud iti panagbakasyon da ditoy Pilipinas.
