LAOAG CITY – Makagatangen kadagiti produkto a Pinoy kadagiti nagduduma nga embahada ti pagilian.
Inbatad ni Acting Trade Secretary Maria Cristina Aldeguer-Roque a target-da dagiti produkto dagiti Micro, Small and Medium Enterprises (MSME) ti magatang kadagiti maipatakder a paggatangan iti Philippine Embassies.
Gagem daytoy ket tapno mabigbig dagiti sikat a produkto a Pinoy.
Kunana a babaen iti daytoy, al-alisto a makikumpetensia dagiti local products kadagiti dadakkel nga international products.
