LAOAG CITY – Inadmitir ni Mrs. Lealyn Dancel, ti Officer-In charger iti Barangay 20 ditoy ciudad ti Laoag nga adda pay dagiti saan da a naikkan ti abuloy a pimmusay a kabarangayan da.
Inlawlawag na a daytoy ket gapu ta idi kangitingitan ti pandemya a gubuay ti covid-19 ket adda dagiti paset ti barangay a naglockdown rason a saan a nakakol-kolektar ti abuloy dagiti barangay kagawad.
Inkari ni Dancel nga apaman a maka-kolektar da ket dagus a maited ti abuloy kadagiti nagminatay.
Naamoan a ti kada pumusay a residente ket maikkan ti abuloy nga 4,600 a pisos.
Inpakaammo ni Dancel nga iti kada balay ket masingir ti 20 a pisos idinto a no opisyal iti barangay ket 50 a pisos.
