LAOAG CITY – Kinumpirmaran ni Police Major Arnel Tabaog, hepe ti PNP- Banna nga adda dagiti nagisuko ti paltog a saan a nakarehistro wenno expired ti lisensya na iti nasao nga ili.
Segun kenni Tabaog, umabot ti 5 wenno 6 a paltog dagiti napan insuko dagiti maseknan kadakuada.
Inpasingked na a maisubli maet laeng dagiti paltog kaduakada apaman a mairehistro dagitoy.
Kunana nga innalukoy da dagiti maseknan a mapan dumatag iti opisina da nga agisubmitir kadagiti saan a lisenyado nga armas da tapno saanda a maisayangkatan iti operasyon.
Inbatad ni Tabaoag nga awan pay dagiti pulitiko a natiliwan da iti saan a nakarehisto a paltog wenno awanan ti lisensya gapu ta rehistrado amin dagiti armas da.
Maipalagip a naiget ti kampanya ti PNP Banna nga agipatungpal iti operasyon ti lost firearms.
