LAOAG CITY – Inpakaammo ni Director Jun Arvin Gudoy, iti Department of Education, office of the Secretary, indiaya ti PCOO ti PTV4, IBC13, ken dagiti amin a government radio station ken tv station a mausar para iti Blended learning system.
Kuna na nga indiaya pay dagiti sumagmamano a telecommunication companies ti serbisyo da para ti blended learning tapno maituloy ti panagadal dagiti estudyante.
Inbatad ni Gudoy a masapul nga addaan ti 15 a porsiento kadagiti programa ti telebisyon para iti panagadal dagiti estudyante.
Kabayatanna, kinumpirmaran ni Gudoy nga adda ti training para kadakuada tapno maisagana da dagiti nagannak tapno maasistiran dagiti annak da para iti panagadal.
Inlawlawag na nga adda dagiti nagannak nga addaan ti trabaho a possible a saan da a masango ti mangasistir dagiti annak da.
Malaksid iti daytoy ket maaramid met dagiti modules para kadagiti ubbing ken alisto da a maawatan tapno nalakada a sungbatan dagiti naipalaon.
Kabayatanna, adda met ti intervention dagiti mangisursuro kadagiti estudyante ngem limitado laeng gapu ta masapul a masurot ti social distancing.
Innayon ni Gudoy nga iti daytoy a new normal ket masapul a mamuli dagiti agtutubo wenno estudyante iti nasayaat saan laeng dagiti nagannak ngem ketdi iti kumunidad ken lokal a gobyerno.
