LAOAG CITY – Kinumpirmaran ni Engr. Matias Malenab, ti District Engineer ti DPWH 2nd Engineering District a nangiwayat da ti clearing operations a pannakatubtob dagiti waiting shed.
Segun kenkuana, daytoy ket babaen iti mandato ni Presidente Rodrigo Duterte a maikkat ti aniaman a makasingsinga iti road right of way.
Inbatad ni Malenab a saan laeng a dagiti waiting shed ti tinubtob da no diket adda pay dagiti pribado nga imprastraktura nga adda iti road right of way.
Kuna ti opisyal nga umab-abot ti 20 dagiti natubtob iti inwayat da a a clearing operation.
Innayon na nga iti sumaruno a lawas ket iwayat da pay ti ad-ado nga operasyon a pannakatubtub kadagiti sumagmamano nga imprastraktura, pampubliko man wenno kukua dagiti pribado a tao.
