LAOAG CITY – Nagtalinaed dagiti pito a balod ti Bureau of Jail Management and Penology (BJMP) ditoy ciudad ti Laoag iti isolation room gapo iti tuko.
Daytoy ti kinumpirmaran ni Senior Jail Officer 4 Joel Alejandro Guillermo, Asst. Jail Warden ti nasao a pasilidad.
Segun kenni Guillermo, innem a lallaki ken maysa a babai ti nagtalinaed iti isolation room ken agpaot dagitoy iti makabulan basar met laeng ti rekomendayson ti City Health Office.
Naamoan nga idi Enero 28 ket isu ti panangrugi ti panagsakit ti maysa a balod agingga a naapektaran dagiti 18 a balod.
Kunana nga idi Pebrero 24 ket nanayunan ti dua dagiti nga apektado rason a nagbalin a pito dagiti adda iti isolation room gapo iti nadakama a sakit.
Iti agdama ket 270 ti nakabalod iti BJMP, 232 kadagitoy ti lallaki ken 28 dagiti babbai.
