LAOAG CITY – Kinumpirmaran ni Atty. Julius Balbas, comelec officer ditoy siudad ti Laoag a tallo dagiti nagipila ti kadidatura na iti kinabarangay chairman idi kalman kas maudi nga aldaw ti panagpipilaan ti certificate of candidacy
Kuna na a nasurok 10 met dagiti nagipila ti kandidatura na kas barangay kagawad idinto a 18 dagiti nagipila ti kandidatura na kas SK kagawad.
Inlawlawag ni Balbas a naiyalud-od ti maysa nga aldaw iti panagipila ti COC kalpasan a pinatgan ti Comelec en banc ti kiddaw gapu ti kinababa ti bilang dagiti agkandidato para ti SK.
Inadmitir ni Atty. Balbas, nga adda dagiti sumagmamano a barangay iti siudad a saan a kompleto dagiti agpaidasig iti posisyon para ti Barangay ken SK election.
Nupay kasta, kuna na nga ad-adu met laeng dagiti barangay a kompleto ti kandidato na.
Inbatad ni Balbas nag 60 a barangay dagiti kompleto ti kandidato na ken adda dagiti awan ti kalaban na.
Innayon ni Balbas a saan na a nakita ti gagar dagiti agtutubo anga agpaidasig nga opisyal iti barangay da.
