LAOAG CITY – Nagturongen dagiti sumagmamano kadagiti nangangato nga opisial manipud iti nagduduma a pagilian iti naka-imansayagan ni Iranian President Ebrahim Raisi.
Indauluan daytoy dagiti opisial manipud Russia, India, Turkey, China, Afghanistan, Pakistan, Saudi Arabia, Pakistan, Iraq, Qatar, Egypt, United Arab Emirates ken Bahrain, bayat a timmabuno met dagiti special envoys ti Oman, Kuwait, Jordan ken Syria.
Kasta met a timmabuno dagiti kameng ti Iran-backed armed group iti Middle East, pakairamanan ti politikal lider ti Hamas a ni Ismail Haniyeh, Hezbollah deputy secretary-general Sheikh Naim Qassem, Houthi spokesperson Mohammed Abdulsalam ken Iraqi Popular Mobilization Forces leader Falih Al-Fayyadh‎.
Daytoy ket gapu ta dakkel ti impluensia ti Iran kadagiti sumagmamano a militias, nangruna iti Iranian Islamic Revolutionary Guard Corps.
Maipalagip a pimmusay ni Raisi kalpasan a nagsuek ti helikopter a naglugananna a kaduana ti sumagmamano kadagiti nangato ti akem na iti pagilyan nga Iran.
