LAOAG CITY – Nagpanawagan ni House Deputy Minority Leader ken Representante ti Mamamayang Liberal Party a ni Leila de Lima ken ni Presidente Ferdinand “Bongbong” Marcos Jr. nga aramiden a live dagiti amin a panagdengngeg ti Independent Commission for Infrastructure (ICI) mainaig kadagiti proyekto a pang-kontrol iti layos a mapagat-atapan nga adda ti anomalya.
Inbatad ni De Lima, nasken nga agbalin a transparent ti gobierno tapno ipakita ti transparency ken siguradoen a saan nga ilemmeng ti Independent Commission for Infrastructure iti publiko dagiti resulta ti imbestigasion daytoy.
Inpetteng met ni Representante Mark Anthony Santos ti Las Piñas a karebbengan ti publiko a maammoan ti sibubukel a detalye ti imbestigasion nangruna ket binilyon a pisos a kuarta ti tattao ti mapagsasaritaan iti daytoy.
Kuna ni Santos, iti babaen ti live streaming, makita dagiti umili no asino ti agsasao ti pudno ken maliklikan ti saan a patas ken panangpulitika.
Innayon ti agpapanday linteg a ti transparency ket saan laeng a kari no diket obligasion nangruna iti baet ti dumakdakkel a pammabalaw iti korapsion.
