LAOAG CITY – Temporario nga inbalud sakbay nga ideportar dagiti opisial ti Israel dagiti sumagmamano nga aktibista a nakalugan ti barko.
Karaman kadagiti 12 nga aktibista ket isuda Greta Thunberg ti Sweden ken maysa a French European parliamentarian.
Tumakder nga abugado ti grupo ti Adalah, maysa a nalatak a Palestinian-Israeli human rights ken civil rights organization.
Mapilaan dagitoy ti kaso gapu iti maipagarup nga iligal a panagserrekda idiay Israel.
Immunan a naglikudan dagiti aktibista a kalikagumda laeng a makadanon iti kabaybayan ti Gaza.
Maipalagip a linappedan ti Israeli navy ti Madleen aid vessel a nakalugan dagiti aktibista ken inkabilda dagitoy iti pantalan ti Ashdod.
