LAOAG CITY – Kinumpirmaran ni Mr. Paciano Cid, principal ti Marcos National High School nga adda dagiti estudyante ti Grade 9 ken Grade 10 ti nag-collapsed.
Segun kenni Cid, basar iti resulta ti eksaminasyon ti ospital ket nag-collapsed dagiti maseknan gapo iti bisin, dismenorrea, asthma ken puyat.
Inbatad na a dagiti dua kadagiti nagcollapsed idi Hulyo 1 ket isu met laeng ti nagcollapsed itay malem.
Kuna na a naamoan da manipud kadagiti nagannak dagiti dadduma nga estudyante nga agus-usar da ti cellphone partikular ti social media agingga iti parbangon.
Inlawlawag na a ti maysa kadagiti estudyante a maipagarop a nakakita ti nangisit a banag ket gapo iti panag-hallucinate na kalpasan a saan a nangaldaw sakbay a simrek iti pagadalan.
Inadmitir ti principal a napudot ti uneg ti classroom dagiti estudyante uray adda ti electric fan gapo ta nakubong ti ayan da a pagadalan.
