LAOAG CITY – Inpasigurado ti Department of Energy (DOE) a naiget ti panangtutokda kadagiti isla nga agus-usar ti diesel iti power generation-da.
Inbatad ni Energy Sec. Sharon Garin nga agtultuloy nga agbirbirukda ti wagas tapno makaala ti nalaklaka a diesel dagiti isla tapno saan a dumakkel ti gastosda iti operasion.
Iti baet daytoy, inpetteng ni Garin nga awan ti mapasamak a power interruption iti pagilian iti baet ti nangato a presio ti diesel.
Naminsan manen nga inlawlawag ni Garin a ti enerhia ti pagilian ket saan a nakadepende iti diesel ken 3% laeng ti supply ti kuriente iti pagilian ti mangnamnama iti diesel.
Iti agdama, ti imbentario ti diesel iti pagilian ket adda ti 49 nga aldaw idinto a 54 nga aldaw iti gasolina, 104 nga aldaw ti keronese ken 67 nga aldaw ti jet fuel.
