LAOAG CITY – Manamnama a bumaba ti presio ti diesel ken gasolina inton sumaruno a lawas basar iti kaudian a garaw ti world oil market.
Umabot iti P3.50 agingga P4.00 iti kada litro ti mabalin a pagbabaan ti presio iti diesel kabayatan a P0.25 agingga P0.75 iti kada litro ti possible a kissay iti gasolina, basar iti maysa a source iti oil industry.
Ti projection ket basar iti nagbalin a taray ti Mean of Platts Singapore (MOPS) ken foreign exchange averages iti napalabas nga uppat nga aldaw.
Basar iti source a nakatulong ti panagbaba ti presio ti langis ti nababbaba nga epekto iti suplay ti manamnama a sanctions ti Estados Unidos kumparar iti posibilidad a panagkaro ti tension ti military.
Manamnama a mangiparuk-at ti opisial a price adjustment dagiti oil company inton Lunes, Agosto 31.
Maipalagip nga idi Agosto 25, ngimmato ti P1.08 iti kada litro ti gasolina, P2.31 iti kada litro ti diesel ken P0.09 iti kada litro ti kerosene.
Daytoyen ti maika-34 a price movement iti fuel prodicts ita a tawen a nangresultar iti net increase a P54.92 iti kada litro ti gasoline, P59.06 iti diesel ken P51.65 iti kerosene.
