LAOAG CITY – Nagturong dagiti sumagmamano nga opisyal ti Estados Unidos idiay Russia tapno pagsasaritaan da ti potential ceasefire iti Ukraine.
Daytoy ket kalpasan nga immanugot dagiti opisyal iti Ukraine para iti 30-day ceasefire.
Naamoan nga immanugot dagiti opisyal ti Ukraine para iti pannakaipatungpal ti 30 nga aldaw a ceasefire kalpasan met ti panagtataripnong da a kadagiti opisyal ti Estados Unidos idiay Saudi Arabia.
Immuna iti daytoy, napan bimmisita ni Russian President Vladimir Putin iti Kursk region ken nakipagkita kadagiti military commanders, no sadinno a ditoy a naipakaammo kenkuana a nakontrolen ti Russian troops ti 86% iti area ken adda dan iti final stage para iti naan-anay a panangpapanaw da kadagiti Ukrainian forces iti nadakamat a lugar.
