LAOAG CITY – Nangitunda ti panagbuteng dagiti sumagmamano nga Overseas Filipino Worker kalpasan ti idadayyeg ti magnitude 5.5 a gingined idiay Pohang, South Korea.
Segun kenni Mr. Jomar Jasa, tubo ti Oriental Mindoro, chief operator ti CNC Argon Welding, nupay adayo da iti nakapasamakan ti panagdayyeg ket napakaammoan da babaen kadagiti otoridad nga agannad it posible nga epekto ti gingined.
Kuna na a kalpasan ti panagdayyeg ket simmaruno ti magnitude 4.6 a gingined nga aftershock.
Innayon ni Jasa, nga agtultuloy ti assesment dagiti otoridad kalapsan ti panagdayyeg.
Basar iti impormasyon, awan ti nadangran a tattao ken sumagmamano ti nadadael iti paset dagiti pasdek.
