LAOAG CITY – Manamnama nga awaten ita nga aldaw dagiti sumagmamano a taga-Ilocos Norte ti maipagarop a maysa a milyon a piso nga inkari ti Democratic and Republican Guardians Philippines Inc.
Naamaon ti Bombo Radyo Laoag nga umabot ti pito a bus ti nagluganan dagiti taga Ilocos Norte a nagturong idiay Manila tapno awaten ti nasao a kantidad.
Maipalagip nga inbatad ni Mr.Nobol Gilbert de Salvador, Nat’l Chairman ti nasao a grupo a nakalnad iti konstitusyon a masapol nga ipaayan ti gobierno dagiti tattao a nagaplikar iti nasao nga ayuda.
Segun pay kenni de Salvador, mismo a ni Presidente Rodrigo Duterte ti makaimatang iti panangited ti Cash Card kadagiti nagaplikar.
Ti agdama ket ur-urayen dagiti dadduma a residente ti probinsya no adda ti maawat da a maysa a milyon dagiti nagaplikar ti ayuda iti nasao a grupo.
