LAOAG CITY – Inrakurak ti Department of Education (DepEd) nga inkapilitanen ita kadagiti estudiante nga addaan ti kababaan a reading comprehension levels ti summer remedial classes.
Naammoan a dagiti agad-adal nga addaan reading comprehension levels ket ipaspasa laengen uray saanna pay a napaneknekan ti kabaelanna iti panagadal.
Inbatad ni Education Secretary Sonny Angara nga us-usaren itan ti departamento ti Beginning of School Year (BOSY) ken End of School Year (EOSY) assessments tapno ammoen ti ‘learning gaps.’
Kunana a dagiti addaan ti kababaan ti iskor ket kasapulan a makikaysa iti ‘remediation program’ apaman a madanon ti summer.
Inlawlawagna a naruay nga ubbing ti nabenepisiaran iti nasao nga approach.
Inpettengna a dagiti estudiante ket ‘responsive’ wenno makipaspaset iti summer program a masansan nga isaysayangkat iti bassit a grupo.
Sinungbatan ni Angara ti kabibiangan dagiti nagannak a saanna a kayat a makipartispar dagiti annakda iti programa no sadinno a dati ket boluntario laeng daytoy ngem itan ket agbalinen nga inkapilitan.
Mainaig iti daytoy, tapno matungpal ti nasao nga addang ket nangdutok ti Department of Education a mangiggem iti summer programs.
Kabayatanna, dagiti mangisursuro a mangiggem kadagiti summer classes ket makaawat ti nayon a kredito.
