LAOAG CITY – Nakasaganan ti Philippine National Police para iti natalged ken naurnos nga eleksion iti umas-asideg a 2025 midterm elections.
Inbatad ni Maj. Gen. Roderick Alba ti Directorate for Police Community Relations, sumurok 140 a ribu a pulis ti maiwaras iti mismo nga aldaw ti eleksion tapno bantayan ti sumurok 37 a ribu a voting centers iti intero a lubong.
Kunana a nakasagana payen ti Philippine National Police a tumulong iti Commission on Elections kas paset ti Board of Election Inspectors.
Inlawlawagna a dumanon ti 7,943 a personnel ti dimmalan iti panagsanay para iti daytoy no sadinno a 3,774 ket maidesignar iti Bangsamoro Autonomous Region in Muslim Mindanao.
Mainaig iti daytoy, inpakaammo ni Alba, nakapokus ita ti Philippine National Police dagiti dinakamatda nga hotspot areas nangruna iti Bangsamoro Region nga am-ammo a nabara ti pulitika.
Kabayatanna, manarimaan ti panangpapigsada ti presensia ti pulisia kadagiti nagduduma a lugar tapno masigurado ti kinaulimek ken kinakappia iti umas-asideg nga eleksion.
