LAOAG CITY – Inbutaktak ni Interior and Local Government Secretary Jonvic Remulla a dumanon iti 348 ti naiwayat nga iligal, agresibo ken makapaallilaw dagiti aktibidad ti China iti West Philippine Sea sipod idi Enero agingga idi Nobiembre iti agdama a tawen.
Inrakurak ni Remulla iti 2nd Joint National Peace and Order Council (NPOC) – Regional Peace and Order Councils (RPOCs) meeting for 2024 a dumanon iti 336 Chinese vessels ti nakita iti inaldaw iti West Philippine Sea idi Oktubre.
Iti nasao a taripnong, inpetteng ni Pres. Ferdinand “Bongbong” Marcos Jr. ti kasapulan ket sumurot ti pagilian kadagiti tignay a saan a mangdegdeg iti tension iti West Philippine Sea.
Inbatadna a saan a kasapulan a mangipatulod ti Phil Navy iti West Philippine Sea uray agtultuloy ti tension ti China iti pagin-innagawan a lugar.
Inlawlawagna a saan a makigubat ti Pilipinas isu a saan a kasapulan a mangipatulod ti Navy warships iti lugar.
Inpetteng ti Presidente a saan nga agbalin a rason ti Pilipinas tapno kumaro ti tension iti West Philippine Sea.
