LAOAG CITY – Dumanon iti 753 a pulis ti inikkaten iti serbisio ti Philippine National Police (PNP) manipud idi Abril 1, 2024 agingga idi Pebrero 12, 2025.
Basar iti Philippine National Police, dagitoy ket gapu kadagiti nagduduma a kaso kas ti panagusar ti iligal a droga, robbery/extortion, carnapping, homicide, rape, AWOL, murder ken graft.
Naammoan a manipud idi Enero 1, 2022 agingga idi Pebrero 12, 2025 ket addan ti pakabuklan a 2,598 ti naikkat iti serbisio.
Immunan nga inbatad ni Philippine National Police chief General Rommel Marbil a saanna a kunsitiren dagiti saan a nainkalintegan nga aramid dagiti pulis.
