LAOAG CITY – Umabot iti sumurok kumurang a 350 dagiti bakante a posisyon iti gobierno probinsial.
Segun kenni Ms. Fe Siazon, Human Resource Head iti kapitolyo probinsyal, kaadwan kadagiti bakante a posisyon ket manipod iti Governor Roque Ablan Senior Memorial Hospital; Provincial Treasury Office; Provincial Engineering Office ken kadagiti nagduduma pay a departamento.
Kuna ni Siazon a dagiti nasao a bakante a posisyon ket permanente,casual ken Job Order.
Inlawlawag na a naruay dagiti bakante a posisyon gapu ta ado dagiti agretiro, nagresign gapu ti napinpintas a pagtrabahoan ken dagiti dadduma ket napan nagnaed iti sabalin a pagilyan.
Innayon na nga adda ti mandato ni Governor Cecilia Araneta-Marcos a maipublikar dagiti bakante posisyon tapno malitupan.
