LAOAG CITY – Inlawlawag ni Engr. Cynthia Iglesia iti Pag-asa DOST iti Laoag International Airport ti eclipse a naawagan a “Super Flower Blood Moon” ket makita ditoy Pilipinas ngem saan a ti buo.
Segun kenni Iglesia, daytoy ket gapo iti lokasyon ti Pilipinas no ikumpara kadagiti nagduduma a pagilyan a makita a sibubukel ti super blood moon.
Inbatad na a ti penumbral lunar eclipse ket mangrugi iti 4:47 ti malem intono bigat, ti partial eclipse ket iti oras ti 5:40 ket ti makunkuna a greatest eclipse ken 7:18 iti rabii ken agpaot daytoy agingga iti 9:49.
Kunana a gapo ta agsabali ti moon rise ken moon set, mangrugi ti pannakakita ti bulan iti 6:22 ti rabii ken ditoy met a dagus a makita ti partial eclipse.
Ti eclipse ket mapaspasak tunggal agbabatog ti init, earth ken ti bulan ken ita a tawen ket makita intono bigat, Mayo 26.
