LAOAG CITY – Adda ti makaanay a suplay ti dara iti agdama ti Red Cross Ilocos Norte Chapter.
Daytoy ti naragsak nga inpakammo ni Ms. Edna Orcino Red cross Chapter Administrator, kalpasan ti panakaiwayat dagiti naruay nga blood donation activity nga inorganisar dagiti nagduduma a grupo dtoy probinsiya kas paset iti selebrasyon ti “National Blood Donation Month” ita a bulan ti Hulyo.
Kunana nga iti nga agdama ket adda iti sumurok kumurang 200 a unit ti dara a mabalin a makatulong kadagiti umili.
Inpetteng ni Orcino a nagduduma a balay pagagasan ken institusyon t agkidkidaw t dara, no sadinno nga iti kada aldaw ket ada iti maawat da a lima a request iti 5 a units a dara.
Inbatadna a gapu iti agtultuloy a pannakitinulong dagiti nagduduma a grupo nga agdonar ti dara ket kabaelan t opisina da a suplayan ken matulongan dagiti agkasapulan.
